Stand Up Paddle Boarding sa Brgy. Daan-Lungsod

PADDLE BOARDING

GINGOOG CITY — Personal nga gibisita ug gisulayan ni City Mayor Erick G. Cañosa, Vice Mayor Peter M. Unabia, ABC President Bobet Delara, Board Member Bing Dumadag ug Kapitan Jesie Ramasola ang SUP Paddle Boarding adlaw’ng Martes, Oktubre 20,2020 sa Brgy. Daan Lungsod. Kini usa ka lakang sa kasamtangang administrasyon isip suporta sa bag-ong atraksyon nga nagpromotar usab sa turismo sa dakbayan.

Ang Stand Up Paddle Boarding Lessons sa Daan Lungsod gisugdan niaging semana pinaagi ni Mr. Angelo o mas kaila sa pangalan nga “Quirky”, usa ka professional paddler gikan sa Cagayan de Oro City. Siya usab ang pinaka una nga Pinoy Paddler nga nakatabok sa Camiguin Island padulong sa Mantigue Island gamit ang Paddle Board lamang. Sa kasamtangan, padayon nga nagahatag og Basic Stand Up Paddling Lessons sa Quirky Lifestyle para sa mga beginners pa lamang sa maong sports.

Matud pa ni Quirky, adunay daghang potensyal nga Paddle Spots sa dakbayan ug personal kini nya nga nakita. Mamahimo usab nga maka Paddle Board gikan Daan Lungsod padulong sa Rock Garden sa Brgy. Punong ug Brgy. Anakan.

Hugot ang suporta sa CU Administration sa mga lakang susama niini nga naghatag og dugang atraksyon, turismo ug panginabuhian para sa mga Gingoognon. Naglaom usab kini nga mamahimong usa sa mga tourist destination sa dakbayan ang Daan-Lungsod puhon pinaagi sa Paddle Boarding uban sa floating restaurant nga itukod puhon sa maong lugar.

See Post on Facebook

Comments

No comments yet. Why don’t you start the discussion?

Leave a Reply

Your email address will not be published.