Public Hearing for those in Sitio Civoleg, Gipahigayon

PUBLIC HEARING
PUBLIC HEARING

GINGOOG CITY — Nagpahigayon ang lokal nga pangagamhanan og usa ka konsultasyon uban ang konseho sa Barangay Lunotan sa pagpanguna ni Brgy. Kapitan Nelson J. Dumaluan, lakip usab ang mga miyembro sa IP community, mga landowners, ug ang lumulupyo sa Sitio Civoleg hilabi na sa duol sa site sa da Grove @ Highway 955. Nahitabo ang maong panagtigum adlaw’ng Martes, Septembre 29, 2020.

Alayon sa pag-patuman sa proyekto sa Economic Zones ug Eco-tourism sites sa Sitio Civoleg, Barangay Lunotan, gipresentar sa maong panagtigom ang usa ka Draft Ordinance nga gisulat ni Kag. Judeline I. Bernaldez uban ni Kag. Myrna S. Motoomull, mahitungod sa pag-regulate sa katas-on sa mga structures, buildings, infrastructures ug uban pang improvements sa maong barangay aron nga mamintinar ang ecological ug environmental nga kondisyon sa lugar. Uban sa pag presentar sa maong Draft Ordinance ang pagpaminaw sa mga opinyon, suhestyon, ug pangutana sa mga landowners ug mga lumulupyo sa Barangay Lunotan tungod kay sila man ang pinaka-involved niini nga ordinansa.
Bisan pa man sa kanunay nga pagpauswag sa agrikultura ug turismo sa Dakbayan pinaagi sa mga flagship projects ug usa niana ang The Grove @ Highway 955, kinahanglan gihapon nga ma-preserba ang ecological ug environmental balance sa Barangay Lunotan. Kini nga ordinansa mao ang mag institutionalize sa pagprotektar sa lugar nga hugot nga gisuportahan sa CU Administration. Gilauman nga pinaagi sa gipahigayon nga public hearing, mas mamahimong haom ug lig-on ang maong ordinansa.
Nitambong sa maong panagtigom si City Mayor Erick G. Cañosa, Vice Mayor Peter M. Unabia, Kag. Evelyn Cañosa, Kag. Marlon Kho, Kag. Winfred Milintante, Jr., Kag. Judeline Bernaldez, Kag. Myrna Motoomull, Kag. Conrado Gomez, Jr., ABC President Robert de Lara, IP Representative Estoriano Mandahinog, Engr. Lemuel Remegoso, Mrs. Elsa Maquiling, Atty. Alpi Cabatingan, Atty. Phillip Galagar, Mr. Audie Ocampo, mga Landowners, representante sa Lumad ug mga lumulupyo sa Brgy. Lunotan.

Source :https://www.facebook.com/permalink.php?story_fbid=3303810146369904&id=2266783366739259

Comments

No comments yet. Why don’t you start the discussion?

Leave a Reply

Your email address will not be published.