Potable Water System sa Brgy. Lunotan, Andam na

Potable Water sa Lunotan
Potable Water sa Lunotan

GINGOOG CITY- Pormal nga giturnover sa Lokal nga Pangagamhanan ug Gingoog City Water District ang Potable Water System sa Brgy. Lunotan arun magamit na kini sa katawhan. Gisugdan ang kalihokan pinaagi sa pag bendisyon sa maong proyekto sa pagpanguna ni Rev. Fr. Cornelio Cadenas, Jr., adlaw’ng Sabado, Oktubre 24, 2020.
Kahibaloan nga usa sa mga gihangyo sa katawhan sa Brgy. Lunotan, Ricoro, Samay ug Binakalan nga mahatagan og pagtagad ang panginahanglanon niini sa patubig ug mapasalamaton kini tungod kay giaksyunan sa kasamtangang administrasyon ang maong panginahanglanon niini. Dugang pa ni Brgy. Kapitan Nelson Dumaluan, “Ang ka kusog sa tubig sa Brgy. Lunotan, mao sab ka kusog sa pagpa uswag aa Siyudad sa Gingoog.” Naghangyo lamang kini nga unta ampingan sa katawhan ang kinaiyahan tungod kay pinaagi niini, anaa pa’y limpyo nga tubig nga mainom.
Matod pa ni City Mayor Erick G. Cañosa, “It is a dream come true nga matauran ug panubig ang matag barangay sa atong Dakbayan ug dako atong pagapasalamat sa makanunayong suporta sa atong Bise Mayor Peter Sr. PEDRO Unabia nga anaa usab sa maong okasyon.
Damgo kini sa CU Administration nga mahatagan ug Potable Water System ang matag barangay ug matag panimalay sa Dakbayan sa Gingoog. Dako usab ang pasalamat sa kasamtangang administrasyon sa padayon nga suporta sa mga miyembro sa Sangguniang Panlungsod ug sa Gingoog City Water District ubos sa pagpangulo ni GM Joan U. Lim arun mamahimong malampuson ang mga Water System Projects niini.
Gisaksihan usab ang maong kalihokan ni ABC President Robert de Lara, Kag. Roy Aniscal, Brgy. Captain Nelson Dumaluan, Gingoog City Water District Board of Directors uban kang Chairman Virginia Lim ug ang mga residente sa Brgy. Lunotan.
 See Post On Facebook:
source:https://www.facebook.com/permalink.php?story_fbid=3366364063447845&id=2266783366739259

Comments

No comments yet. Why don’t you start the discussion?

Leave a Reply

Your email address will not be published.