Konsultasyon kauban sa konseho sa mga Coastal Barangay para sa Produksyon sa Sardinas, Gipahigayon

Konsultasyon kauban sa konseho sa mga Coastal Barangay para sa Produksyon sa Sardinas, Gipahigayon
Konsultasyon kauban sa konseho sa mga Coastal Barangay para sa Produksyon sa Sardinas, Gipahigayon

GINGOOG CITY — Nagpahigayon og usa ka Consultative Meeting ang lokal nga pangagamhanan uban sa mga miyembro sa konseho sa coastal barangays sa dakbayan adlaw’ng Huwebes, Oktubre 1, 2020, sa Negosyo Center. Tumong sa maong konsultasyon ang pagpahibalo og pagpaminaw sa mga panginahanglanon sa mga mananagat sa matag barangay ug mahatagan kini og kasulbaran.

Hilisgutanan sa maong panagtigom ang development sa produktong sardinas kay kini adunay kalambigitan sa planong pagtukod og manufacturing facility sa Gingoog Sardines. Abli nga gipaminaw sa lokal nga pangagamhanan ang mga panginahanglanon sa matag barangay para sa mga mananagat sa dakbayan tungod kay sila man ang mamahimong kuhaanan o source sa isda.

Gihisgutan usab sa konsultasyon ang mga lakang aron mamahimong effective, efficient ug sustainable ang proseso gikan sa pagdakop sa isda hangtod sa pag package sa produkto. Nasabotan sa maong panagtigom nga magpahigayon og inspeksyon sa Lunao Fishport aron matan-aw ang mga kinahanglanon mahitungod sa repair and maintenance sa maong pasilidad ug makamugna na og insaktong business plan ug Implementing Rules and Regulations sa pag operate sa maong processing site.

Ang Produksyon sa Sardinas usa sa mga dagkong lakang sa CU Administration nga adunay kalambigitan sa paghatag og malahutayong panginabuhian hilabi na sa atong mga mananagat. Mapasalamaton usab ang kasamtangan administrasyon sa dakong suporta nga nadawat niini gikan kang Cong. Christian Unabia ug sa mga miyembro sa Sangguniang Panlungsod arun magmalampuson ang maong plano.

Nitambong sa maong konsultasyon si City Mayor Erick G. Cañosa, ABC President Robert J. Delara, Ms. Stella Maris B. King, Ms. Mariola Violango, Ms. Genevieve Cruz, Mr. Jun Ayensa, Ms. Lindy Valdevilla, Ms. Lalaine Ruth Cezar, ug mga representante sa konseho sa matag barangay.

See Post on Facebook

Comments

No comments yet. Why don’t you start the discussion?

Leave a Reply

Your email address will not be published.