Dugang PCPs para sa Peace and Order sa Dakbayan, Gipanghingusgan

Dugang PCPs para sa Peace and Order sa Dakbayan, Gipanghingusgan
Dugang PCPs para sa Peace and Order sa Dakbayan, Gipanghingusgan

GINGOOG CITY — Ang lokal nga pangagamhanan pinaagi ni City Mayor Erick G. Cañosa, nakigpulong kang PCOL Raniel N. Valones, Provincial Director sa Philippine National Police – Misamis Oriental arun mahisgutan ang planong pagpadugang og tulo (3) ka mga Police Community Precinct (PCP) sa isip pagpalig-on sa Peace and Order sa dakbayan . Nahitabo ang panagtigom adlaw’ng Lunes, Nobyembre 2, 2020.

Hisayran nga sa mga niaging semana, daghang mga turista ang mibisita sa Gingoog. Tungod niini, nakita sa kasamtangang administrasyon ang mga panginahanglanon arun mamintinar ang kalinaw ug kahapsay sa dakbayan. Sa maong panagtigom, gipaabot ni Mayor Cañosa ang plano niini nga pagpatukod og tulo ka PCP nga mahimutang sa Brgy. Talisay, Brgy. San Luis, og Da Grove sa Brgy. Lunotan arun mas matutukan ang peace and order sa dakbayan lakip na usab pagimplementar sa minimum public health protocols nga gipanghingusgan usab ni PD Valones. Nahisgutan usab ang request sa lokal nga pangagamhanan nga dugang kapulisan para sa dakbayan.

Mapasalamaton ang CU administration sa nakita niini nga dedikasyon ug sakripisyo sa kapulisan ug padayon kini nga musuporta sa buhatan sa PNP-Gingoog pinaagi sa mga panginahanglanon niini sa gasolina ug monthly operational expenses. Nakaplano na usab ang procurement sa duha (2) ka patrol cars para sa maong buhatan ug ang Proposed Land Donation nga nahimutang sa San Isidro, Brgy Lunotan para sa PNP Training School

.Anaa usab sa maong panagtigom si PLTCOL Ariel Phillip I. Pontillas ug mga personahe sa Gingoog City Police Station (GCPS).

See Post on Facebook