Distribusyon sa 50K Cacao Seedlings, Gisugdan na

Distribusyon sa 50K Cacao Seedlings, Gisugdan na
Distribusyon sa 50K Cacao Seedlings, Gisugdan na

GINGOOG CITY — Gisugdan na sa lokal nga pangagamhanan pinaagi sa City Agriculturist’s Office ang distribusyon sa 50,000 ka mga seedlings sa Cacao sa lain-laing mga barangay sa dakbayan niaging semana. Lakip usab sa gipang apud-apud ang mga production input sama sa lime ug fertilizers para sa mga mag-uuma sa Cacao.

Ang maong distribusyon alayon sa pagpatuman sa programmmang “Cacao Rehabilitation and Expansion Program” nga ang tumong mao ang pagtabang sa mga mag-uuma sa Cacao ug pagpauswag sa Cacao Farming and Industry sa Gingoog. Lakip sa vision sa maong programa nga mamugna ang usa ka rehistrado ug aktibo nga pederasyon sa Cacao Farmers aron nga masiguro nga adunay lig-on nga pundasyon sa planong produksyon sa Cacao.

Ang lokal nga pangagamhanan, ubos sa pagdumala ni City Mayor Erick G. Cañosa, Vice Mayor Peter M. Unabia, ug ang mga miyembro sa Sangguniang Panlungsod, padayon sa pagpaningkamot sa pagpalig-on sa ang agrikultura sa dakbayan. Dako usab ang pasalamat sa kasamtangang administrasyon sa buhatan ni Congressman Christian Unabia sa kanunay niini nga pagsuporta sa mga proyekto ug programa nga makahatag og kaayuhan sa katawhan ug sa dakbayan.

Sa pagkakaron, padayon pa gihapon ang pagpanghatag niining Cacao Seedlings ug Production Input sa mga mag-uuma sa dakbayan.

See Post on Facebook

Comments

No comments yet. Why don’t you start the discussion?

Leave a Reply

Your email address will not be published.