CCGC isip Center of Agriculture, Gipanghingusgan

CCGC isip Center of Agriculture, Gipanghingusgan
CCGC isip Center of Agriculture, Gipanghingusgan

GINGOOG CITY — Nagpahigayon og usa ka konsultasyon ang lokal nga pangagamhanan uban sa faculty and staff Community College of Gingoog City (CCGC) arun mahisgutan ang mga updates, developments ug mga plano kabahin sa maong tunghaan. Nahitabo ang maong konsultasyon adlaw’ng Biyernes, Oktubre 16, 2020 sa Penthouse, City Hall.

Una nga gipresentar ang 3-year comparative enrollment sa CCGC nga adunay 93% nga increase. Gikan sa 593 ka mga enrollees, aduna na kini 1149 enrollees sa kasamtangan. Nakita usab sa maong datus nga ang AB Economics ang adunay pinakadaghan nga enrollees nga gikalipay usab sa kasamtangang administrasyon tungod kay nagpakita lamang kini nga daghan ang interesado sa pagtuon sa sistema sa ekonomiya ug ang mga struktura niini nga dakong tabang sa pagpalig-on sa agrikultura sa dakbayan.

Malipayon usab nga gipahibalo sa CU Administration nga aprobado na ang 55M nga 4-storey building nga dugang suporta sa CCGC pinaagi sa inisiyatibo sa buhatan ni Cong. Christian Unabia. Gilauman sa kasamtangang administrasyon nga mas makahatag og conducive learning environment para sa mga estudyante pinaagi sa maong proyekto. Gipanghingusgan sa lokal nga pangagamahanan uban sa faculty and staff sa CCGC nga mamahimong venue ang maong tunghaan sa paghasa sa mga potensyal sa future agriculturists ug enterpreneurs ug nga mamahimong Center of Agriculture ang dakbayan sa Gingoog.

Nitambong sa maong panagtigom si City Mayor Erick G. Cañosa, Vice Mayor Peter M. Unabia, Kag. Evelyn G. Cañosa ug CCGC President Dr. Sheri Love M. Aguiman, CCGC administrators, instructors ug staff.

See Post on Facebook

Comments

No comments yet. Why don’t you start the discussion?

Leave a Reply

Your email address will not be published.