Barangay Peacekeeping Action Team (BPAT), Nakadawat og Komendasyon

Barangay Peacekeeping Action Team (BPAT), Nakadawat og Komendasyon
Barangay Peacekeeping Action Team (BPAT), Nakadawat og Komendasyon

GINGOOG CITY — Gihatagan sa komendasyon sa Sangguniang Panlungsod ang Barangay PeaceKeeping Action Team (BPAT) sa Barangay Bal-ason isip pag-ila sa kasamtangang administrasyon sa epektibo niini nga pag mintinar sa kalinaw sa maong barangay. Nahitabo ang komendasyon sa BPAT adlaw’ng Lunes, Oktubre 12, 2020 sa City Hall Grounds.

Ang Barangay Peacekeeping Action Team (BPAT) usa ka organisasyon nga gimugna para sa pag tabang sa lokal nga pangagamhanan nga masiguro ang kahusay ug kalinaw sa mga barangay. Susama sa mga gabuhaton sa kapulisan, ang mga BPAT ga ronda patrol usab sa tungang gabii arun masiguro nga luwas ang matag pamilyang Gingoognon. Alayon niini, hugot usab ilang pagbantay sa mga dautang binuhatan nga buot magdala ug kakuyaw sa mga Gingoognon.

Ang CU Administration nga gipanguluhan ni City Mayor Erick G. Cañosa, Vice Mayor Peter M. Unabia ug mga miyembro sa Sangguniang Panlungsod hilabi na ni Kag. Conrado Gomez, Jr. nga Chairman sa Peace and Order, ug ni PNP Chief Ariel Philip Pontillas, dako ang pasalamat nga taliwala sa gisagubang nga pandemya, makanunayon ang pagpangalagad sa BPAT ug kapulisan arun masiguro nga malinawon ug hapsay ang dakbayan.

Lakip sa nakadawat sa komendasyon sila BPAT Chairman Panfilo M. Caresosa, Vice Chairman Kag. Bonifacio Galagar, Mr. Jovito Nabas, Mr. Prisco Cabana, Mr. Richard Laurea, Mr. Thomas Awatin, Mr. Benjie Sarino, Mr. Alvin Sarino, Mr. Fernando Galagar, Mr. Rodrigo Cabeltez, ug Mr. Ernesto Lood.

See Post on Facebook

Comments

No comments yet. Why don’t you start the discussion?

Leave a Reply

Your email address will not be published.